A'CHIK KATTA JIKSE BA KU.JIKSE

A.CHIK KATTA KU.JIKSE

An.chingni ramram aganarango an.ching mitam kattarangko jora-dake ra.e jakkalronga.

Indake jora jora dake jakkalgipa kattarangkon katta jikse ba ku.jikse ine minga.

Katta jikse agananiko knatoata, ga.suata aro basakobade taldapata. Indiba uko agrepile jakkalode knatoatanipal batesa knadikatpila.Uni gimin uko jakkalon kraa gita jakkalode nama.

katta jikse maikai knatoata ba ga,suata uko ka.mao mesoka.

"Ia mandede man'e-cha'a, matchu bang'a, gam bang'a." Ia sentenceko katta jikserangko jakkale knatoatbatna aro ga'suatna man'gen, jekai, " I mandede ma'e-cha'a, matchu-matte, rang-gam bang'a."
An'chingni ramram salantio jakkalgipa katta jikserangkora'e uarangko sentence rike  ka'mao mesoka.

1.Atte-gitchi : Atte-gitchi grisa na'ade a'ba re'ama?
2.Matchu-matte rang-gam : Premende obosta nama, ranga-gama, matchu-matte  bang'a biode.
3.Nokdang-ba'ku : Nokdang-ba'ku dakade alamala ong'ja, krengna nanga.
4.Chi-wa'al : china-wal'na anc'ching simsakna nanga.
5.Leka-pora : Ia chasongode leka-pora gride cholija.

BRINGIPA KATTA-JIKSE BAK - II
A'chikrang aganme'aparango katta jikserangko namen jakkala. Indiba uamangni jakkalani bewal an'chingni ramram jakkalaoni dingtanga. Uni gimin uamangni jakkalgipa katta jikserangko BRINGIPA KATTA-JIKSE ine bimung done anga jakkale mesokenga.

1.Nio-sari :"Nio cha'che chakna, sari kimka dingna."
2.Ma'a-no : "Ma'ani amo donona, noni mattangdikaona."
3.Katchi-rangsi : "Katchi beari ku'paka, rangsi susimeba ku'pea."
4.Nie donga-done kal'a : "Ne dongaiode na'song ma'kimanok, Done kal'aiode bisong ma'chong kimnok."
5.Janggi-jama : "Janggi jokrikpakua, Jama tangrikpakua."
6.Goera-pantora : "Aram chong'suao asonge, Goerade. Guri dinbimongao dan'dane Pantorade."
7.Chimiksik-Chirongdik: "Chimiksik tangkame donga, Chirongdik ditame dal'a."

katta jikserngni gimin chanchiode an'ching ka'mao mesokgiparangko nikna man'a.

1. Kattarangko jora jora dake jakkalgiparangoni mingsade chanchiao nangepaja, mitama melija aro mitama orto dongja. Mesokna gita mande saksa chi ringna sko manjae indake aganode, "Maikaisa iamangde chigri-wal'grisa donaia!" iano chi-ni giminsa chanchiani gimin a'alko janapaia maming nangepaja ine mesoka aro chanchianio melija. Uandaken "matchumatte"-o matteni orto namen dingtangsrangani gimin melija aro matchu baksa jakkalode ortoan dongja.

2.Katta jikseo jakkalgipa kattarang basakoba apsan kamna nanggipa bosturang on'a, jekai, atte-gitchi, leka-pora, slet-pensil, am'bol-e'sal aro indakgiparang.

1. A.brak - chi.brak
2. A.gimik - songmik
3. A.pal - a.du
4. A.wen - jawen
5. Balek - baltek
6. Ba.chonna - chi.chonna
7. Branga - sreta
8. Chonnik - onnik
9. Chrika - a.boka
10. Dal.ma - dalpaa
11. Detja - dutja
12. Dingtang - gatang
13. Gro - jinang
14. Hang - jang
15. Jola - matjol
16. Jotking - suking
17. Kajia - golmal
18. Kalbong - okbrong
19. Ki.chip - gapchip
20. Kotapa - siktapa
21. Ku.wak - jakwak
22. Lap - tap
23. Lotor - potor
24. Mikrongret - nanrongret
25. Miksi - mikkot
26. Mosa - boning
27. Narang - ksmpil
28. Nokkima - jamkima
29. Ong.si - ong.dang
30. Pasrak - masrak
31. Ra.gata - salgata
32. Rangke - rangdang
33. Prepre-prapra
34. Rimtap - dangtap
35. Ringrot - tingtot
36. Ro.dik - rosi
37. Salrengrap - direngrap
38. Siksak - baksak
39. Sintia - ninia
40. Srik - ritik
41. Toteng - nageng
42. Tokrang - tokchang
43. Unaba - ianaba
44. Wakidik - mikkidik
45. Walchip - salchip
46. Walmindik - salmindik
47. Watja - engja
48. Wak.ki - do.ki
49. Wagambal - bolgambal

3.Mitam katta jikseranga bikpilgrikgipa kattarang ong'skaa aro uarang chanchiako parakanio ga'suatskaa, jekai, dal'a-chona, salang-walang, chi-wa'al, aro indakgiparang.

4.Mitamkatta jikserango apsan miksonganiko gipin kattachi agandape talbatata aro ga'subatata, jekai, "rang-gam." a'chikrangni bewal gita gita "rang"-an "gam" ong'a. Uni gimin "gam"-ko jakkaljaoba chu'onggenchim. indiba "rangt" baksa "gam"-ko on'dape aganachi uko taldapatan baksa ga'jetbatataha. uandake sandiangkode katta jikserangni dingtang dingtang kamrangko nikna man'angkugen.

kasapae ia seanio maioba ong.gijaniko seamanaha ong.ode nasimang COMMENT box o talatpabo

• MITELLA PILLAKON/THANK YOU FOR VISITING.